Ministrja e Integrimeve Evropiane, Dhurata Hoxha ka thënë se ardhja e Kancelarit austriak, Sebastian Kurz, konfirmon angazhimin e Presidencës austriake të BE-së për procesin integrues.

Ajo në një postim në rrjetin social facebook ka shkruar se kancelarit Kruz i kanë kërkuar mbështetje për liberalizimin e vizave gjatë Presidencës austriake.

”Kërkuam nga Kancelari mbështetje për liberalizimin e vizave gjatë Presidencës austriake, meqenëse Komisioni Evropian ka konfirmuar plotësimin e të gjitha kritereve nga ana e Kosovës.”

Njëherit kancelari Sebastian Kurz është takuar sot edhe me Presidentin e Kosovës, Hashim Thaç si dhe kryeministrin Ramush Haradinaj.

Postimi i plotë:

Ardhja e Kancelarit austriak, Sebastian Kurz, konfirmon angazhimin e Presidencës austriake të BE-së për procesin integrues.

Kërkuam nga Kancelari mbështetje për liberalizimin e vizave gjatë Presidencës austriake, meqenëse Komisioni Evropian ka konfirmuar plotësimin e të gjitha kritereve nga ana e Kosovës.

Faleminderit Kancelar Kurz, Kosova është me fat që ka miqësinë e Austrisë!